ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
បន្ទាយមានជ័យ៖ មុខសញ្ញាប្លន់យកម៉ូតូនិងខ្សែករួចសម្លាប់ជនរងគ្រោះដែលចាត់ទុកជា ករណីកម្រកាលពីជាង២ឆ្នាំមុននេះពេលនេះត្រូវកម្លាំងនគរបាលខេត្តបន្ទាយមានជ័យ និងសហការជាមួយកម្លាំងសមត្ថកិច្ចពាក់ព័ន្ធចុះបង្ក្រាបបានចំនួន៥នាក់និងនាំយកទៅធ្វើត្រាប់ ។
មន្ត្រីនគរបាលជំនាញផែនព្រហ្មទណ្ឌដឹកនាំបញ្ជាផ្ទាល់ដោយលោកឧត្តមសេនីយ៍ អាត់ ខែម ស្នងការនគរបាលខេត្តបន្ទាយមានជ័យ កាលពីថ្ងៃទី២៩មេសា២០២០ បានស្រាវជ្រាវឈានទៅតាមចាប់មុខសញ្ញាប្លន់ម៉ូតូ និងខ្សែករួចសម្លាប់ជនរងគ្រោះ។នគរបាលក៏បានកសាងសុំណុំរឿងបញ្ជូនទៅតុលាការហើយ។
សូមរំលឹកថាករណីនេះបង្កឡើងកាលពីថ្ងៃទី២៧ខែមេសាឆ្នាំ២០២០វេលាម៉ោង២២យប់នៅចំណុចស្ពានទី៣ផ្លូវចេញទៅសៀមរាបស្ថិតក្នុងភូមិសាស្ត្រភូមិ១សង្កាត់ព្រះពន្លាក្រុងសិរីសោភ័ណ។ប្លន់រូចហើយជនសង្ស័យបានដឹកសពជនរងគ្រោះទៅបោះចោលក្នុងប្រឡាយទឹកខាងកើតអាងទឹកម្កាក់ក្រុងសិរីសោភ័ណ។
លោកឧត្តមសេនីយ៍ទោអាត់ខែមបានឱ្យដឹងថា៖ក្រោយពេលកើតហេតុកម្លាំងជំនាញផែនព្រហ្មទណ្ឌនៃស្នងការដ្ឋាននគរបាលខេតកតបន្ទាយមានជ័យបានស្រាវជ្រាវតាមចាប់មុខសញ្ញាដល់ស្រុកភ្នំក្រវាញនិងវាលវែងខេត្តពោធិសាត់បានឃាត់ខ្លួនជនសង្ស័យចំនួន៣នាក់និងឃាត់នៅខេត្តបន្ទាយមានជ័យបាន ២នាក់ទៀត។
ជនសង្ស័យដៃដល់និងសមគំនិតហើយរៀបគម្រោងជាមុននោះ១,ឈ្មោះទិត្យសំណាងហៅឡាក់ភេទប្រុសអាយុ១៧ឆ្នាំនៅភូមិខ្លាកូនចាស់ក្រុងសិរីសោភ័ណជាជនដៃដល់។២,ឈ្មោះជុំចន្ថាហៅសានម៉ៅអាយុ១៥ឆ្នាំនៅភូមិអូរតាគល់ ឃុំគយម៉ែងស្រុកមង្គលបូរីជាជនដៃដល់។
៣,ឈ្មោះសាន តេហៅតឹកភេទប្រុសអាយុ១៧ឆ្នាំនៅភូមិជាមួយគ្នានឹងជុំចន្ថាជាបក្ខពួក។៤,ឈ្មោះខាន់ ស៊ីមានភេទប្រុសអាយុ២០ឆ្នាំនៅភូមិជាមួយជាជនដៃដល់។៥,ឈ្មោះសួនស្រីតីភេទស្រី២២ឆ្នាំរស់នៅភូមិខ្លាកូនចាស់សង្កាត់កំពង់ស្វាយក្រុងសិរីសោភ័ណជាបក្ខពួក។កម្លាំងនគរបាលខេត្តបន្ទាយមានជ័យដកហូតវត្ថុតាងបានម៉ាកវេវពណ៌ក្រហមសេរីឆ្នាំ២០០១អត់ស្លាកលេខ(ម៉ូតូចាស់)ជារបស់ជនរងគ្រោះ។ថ្ងៃទី៣០ខែមេសានគរបាលជំនាញបានកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការតាមនីតិវិធី៕
