ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
ភ្នំពេញ៖ រូបថតមួយចំនួននៅពេល នាងចោមពុងក្នុងឈុតបុរាណ កញ្ញា រី លីណា ជាតារាសម្តែង និងបង្ហាញម៉ូត បានបញ្ចេញ កាន់តែធ្វើឱ្យសម្រស់ស្រអែមស្រស់របស់នាង បង្កើនភាពទាក់ទាញ និងមានប្រជាប្រិយភាពថែមទៀត។
កម្រកបានឃើញ កញ្ញា រី លីណា បង្ហាញរូបសម្រស់សិចស៊ីបែបនេះហើយក៏មិនដែលបានឃើញនាង ថតឈុតបុរាណ តាមរយៈការចោមពុងចុះក្នុងត្រពាំងឈូកនេះ។ រូបថតរបស់នាង ជាច្រើន ក្នុងឈុតចោមពុង ពណ៌ក្រហម ជាមួយកាយវិការញញឹមស្រស់ បានធ្វើឱ្យអ្នកគាំទ្ររបស់នាង កាន់តែពេញចិត្ត និងសរសើរចំពោះរូបសម្ផស្សរបស់នាង។ តារាស្រីរូបនេះ បានបញ្ចេញរូបថត ចោមពុង យ៉ាងសិចស៊ីនេះ កាលពីថ្ងៃទី១ ខែឧសភា ឆ្នាំ២០២០ កន្លងទៅថ្មីៗនេះ។
កញ្ញា រី លីណា បានប្រាប់ថា នាងពិតជាសប្បាយចិត្ត នៅពេលទទួលបានការសរសើរ និងពេញចិត្ត ពីសំណាក់មិត្តភ័ក្ត្រ និងអ្នកគាំទ្រ ហើយសម្រាប់នាងវិញ ការថតបែបនេះនាងចូល ចិត្តតាំងពីដើមមកម្ល៉េះ។ នាងហ៊ានថតបែបទាន់សម័យ និងបុរាណ មិនថាឡើយ បែបស្ទាយសិចស៊ី យ៉ាងណា ក៏នាងអាចធ្វើបាន។ ប៉ុន្តែនាងត្រូវមើលគំនិតបែបបទ ការប្លង់ថតនីមួយៗមិនឱ្យជ្រុល ពេក នាំទទួលរងការរិះគន់វិញឡើយ។ ប្រសិនបើការងាររបស់នាងចេញមក បង្កការមិនពេញចិត្ត មិនល្អត្រង់ចំណុចណាមួយ ដល់មហាជន នាងសុំអភ័យទោស ទុកជាមុន។ ព្រោះការងារបែប សិល្បៈ នាងតែងតែរកគំនិត សកម្មភាពអ្វីៗថ្មីៗ សម្រាប់អ្នកគាំទ្រ មិនអាចនៅស្ងៀមឡើយ។
នាងបាននិយាយថា នាងសង្ឃឹមថា រាល់សកម្មភាពរបស់នាង ទាំងការសម្តែង និង ការបង្ហាញម៉ូត របស់នាង នឹងទទួលការគាំទ្រជាបន្តទៀត។ នាងសូមអគុណ ដល់បណ្តាអ្នកដឹកនាំ និងអ្នកគាំំទ្រ ដែលតែងតែលើកចិត្ត គាំទ្រនាងជាប់រហូតមក។
សូមបញ្ជាក់ថា ជាតារាស្រី ញញឹមស្រស់កញ្ញា រី លីណា ឈ្មោះពិត “អ៊ឹង មិក” បានចូលរួមព្រឹត្តិការណ៍ប្រឡង “សម្រស់ឯក វាយនភណ្ឌ ប្រចាំឆ្នាំ២០១៧” ដែលបានរៀបចំឡើងអស់រយៈពេលជាច្រើនខែដោយនាងទទួល បានជយលាភីលេខ២ ។ ចាប់ពីឆ្នាំ២០១៧ មក នាងបោះជំហានលើវិស័យបង្ហាញម៉ូត នៅកម្ពុជា ហើយក៏ក្លាយជាសមាជិកក្រុមតារាបង្ហាញម៉ូត Pop Sara។ ក្រោយកាន់តែមានទីផ្សារក្នុងវិស័យ នេះ នាងត្រូវបានបណ្តាក្រុមហ៊ុន និងសំអាងការជាច្រើន ហៅនាងថតស្ពត និងបង្ហាញម៉ូត ផលិតផល។
រី លីណា ក៏ធ្វើជាអ្នកចម្រៀងម្នាក់ ដោយនាង មានសំនៀងពិរោះ លេចមុខ ក្នុងបណ្តាកម្មវិធីតន្ត្រីរបស់ទូរទស្សន៍ជាច្រើន បន្ទាប់មក ចាប់តាំងពីឆ្នាំ២០១៩ មកដល់ពេលនេះ ។ ជាមួយគ្នានោះនាង ក៏កាន់តែមានទីផ្សារ ក្នុងវិស័យភាពយន្ត ដោយបានលេចមុខថតឱ្យបណ្តាផលិតកម្មភាពយន្តជា ច្រើន ហើយជាពិសេសការសម្តែង ក្នុងរឿងភាគស្ថានីយទូរទស្សន៍លេខ៥។ បច្ចុប្បន្ននេះ នាង មានវ័យ ២១ ឆ្នាំ មានកម្ពស់ ១,៧២ ម៉ែត្រ ដែលតារាស្រីម្នាក់ មានដើមកំណើតចេញពីខេត្ត ព្រះសីហនុ ហើយរូបសម្រស់ និងទម្រង់មុខ ពិតជាស្រស់ស្អាត សមជានារីខ្មែរ៕
