ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
គេហទំព័រ ផែនដីថ្មី ត្រូវការជ្រើសរើសបុគ្គលិកផ្នែកយកព័ត៌មានសរុបចំនួន២០០នាក់ នៅតាមខណ្ឌ ក្រុង និងស្រុក ដោយទទួលបានប្រាក់ខែតាមទំហំការងារ។
កំពង់ធំ៖ រថយន្តធុនយក្ស ចំនួនពីរគ្រឿង ដែលតែងតែគេចវេសជញ្ជីងថ្លឹងរថយន្ត តាមរយះបង់លុយសូកមន្ត្រីជញ្ជីងប្រចាំផ្លូវជាតិលេខ៦ ខេត្តកំពង់ធំ ចំនួន ១៥០ ០០០ រៀល ក្នុងពេលបើកឆ្លងកាត់ជញ្ជីងថ្លឹងឡានម្ដងៗនោះ ពេលនេះត្រូវបានសមត្ថកិច្ច នៃកងរាជហត្ថខេត្តកំពង់ធំ លោកសាយ វាសនា ព្រះរាជអាជ្ញារងសាលាដំបូងខេត្តកំពង់ធំ ធ្វើការបង្ក្រាបបាននៅព្រឹកថ្ងៃទី ១៥ ខែសីហា ឆ្នាំ ២០២០ ស្ថិតនៅភូមិវាំង ឃុំតាំងក្រសាំង ស្រុកសន្ទុក ខេត្តកំពង់ធំ។
លោកសាយ វាសនា ព្រះរាជអាជ្ញារងសាលាដំបូងខេត្តកំពង់ធំ បានដឹកនាំកម្លាំងកងរាជអាវុធហត្ថខេត្តកំពង់ធំ ចុះស្ទាក់ចាប់ រថយន្តចំនួនពីរគ្រឿងជារថយន្តធុនធំ វេអងដែលបានដឹកខ្សាច់លើសទម្ងន់ នឹងពាក់ស្លាកលេខក្លែងក្លាយគេចវេសជញ្ជីង
ក្រោមការបញ្ជាផ្ទាល់ របស់លោក ស៊ិន វិរៈ ព្រះរាជអាជ្ញា អយ្យការអមសាលាដំបូងខេត្តកំពង់ធំ។
តាមប្រភពព័ត៌មាន បានបញ្ជាក់ឲ្យដឹងថា បន្ទាប់ពីមានសារព័ត៌មាន ក្នុងស្រុកបានធ្វើការផ្សព្វផ្សាយពាក់ព័ន្ធទៅនឹងជញ្ជីង នៅឃុំប្រាសាទ ស្រុកសន្ទុក ខេត្តកំពង់ធំ នៅតាមបណ្ដោយផ្លូវជាតិលេខ ៦ មានការឃុបឃិតគ្នា ជាមួយ និងម្ចាស់រថយន្តដឹកខ្សាច់ប្រភេទវេអង ក្នុងមួយយប់ពី៣០ ទៅ៤០ ឡាន ដោយដឹកចេញពីស្រុកស្ទឹងត្រង់ ខេត្តកំពង់ចាម.ឆ្លងកាត់ជញ្ជីងថ្លឹងរថយន្តដោយបង់លុយ ១៥ ម៉ឺនរៀលក្នុងមួយឡាន ហើយឆ្ពោះទៅខេត្តសៀមរាប ដើម្បីដាក់នៅព្រលានយន្តហោះថ្មី ក្រោយមកក្រុមបំផ្លិចបំផ្លាញ ផ្លូវថ្នល់ ដែលជាទ្រព្យសម្បត្តិរបស់ជាតិបានប្រើល្បិច ឱ្យរថយន្តធុនយក្សទាំងនេះ បើកគេចវេសជញ្ជីង។
តៃកុងរថយន្តវេអងដឹកខ្សាច់ ឈ្មោះអៀង វិល័យ រស់នៅភូមិថ្នល់បែកកើត ឃុំស្វាទៀប ស្រុកចំការលើ.ខេត្តកំពង់ចាម បានអះអាងថា រាល់ពេលរថយន្តរបស់លោក បើកមកដល់ជញ្ជីង គឺមិនបាច់ចូលថ្លឹងនោះទេ គឺបង់
តែ១៥ម៉ឺនរៀល ជាការស្រេច ហើយរថយន្តរបស់លោក ២គ្រឿងពាក់ស្លាកលេខដូចគ្នា 3A¬6578 ដោយមួយគ្រឿងមានពន្ឋ មួយគ្រឿង ទៀតអត់មានពន្ឋដោយសាររថយន្ត កាត់តកែច្នៃពី៥តោនមកវេអង។
លោក សាយ វាសនា ព្រះរាជអាជ្ញារង បានបញ្ជាក់ថា រថយន្តទាំង ២ គ្រឿងត្រូវបាននាំត្រឡប់ទៅទីតាំងជញ្ជីងថ្លឹងរថយន្ត ហើយនិងបញ្ជូនទៅ ទីបញ្ជាការកងរាជអាវុធហត្ថខេត្តកំពង់ធំ ដើម្បីចាត់ការតាមផ្លូវច្បាប់តាមនីតិវិធី។
ប្រធានជញ្ជីងថ្លឹងឡាន ផ្លូវជាតិលេខ៦ ខេត្តកំពង់ធំ លោក ផន ម៉ៅ
ប្រជាពលរដ្ឋនៅក្នុងខេត្តកំពង់ធំ បានអបអរសាទរ ចំពោះចំណាត់ការ របស់លោក ស៊ិន វិរៈ ព្រះរាជអាជ្ញានៃអយ្យការអម សាលាដំបូង ខេត្តកំពង់ធំ និង លោក សុខលូអភិបាលខេត្តកំពង់ធំ ប្រធានគណៈ បញ្ជាការឯកភាព រដ្ឋបាល ខេត្តកំពង់ធំ រួមចំណែកលោក សាយ វាសនាព្រះរាជអាជ្ញារង និងកម្លាំងកងរាជអាវុធហត្ថខេត្តកំពង់ធំ ដែលបានបង្រ្កាបទប់ស្កាត់ការដឹកលើសទម្ងន់ ដែលបណ្ដាលឲ្យមានការខូចខាតផ្លូវថ្នល់ ដែលជាទ្រព្យសម្បត្តិរបស់ជាតិ។
លោកទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន និងលោក ជូ កុល្លា ប្រធានមន្ទីរសាធារការខេត្តកំពង់ធំ
លោក គង់ វិមាន អនុរដ្ឋលេខា ធិការក្រសួងសាធារណៈការដឹកជញ្ជូន បានមានប្រសាសន៍ថា ជានិច្ចជាកាលលោកទេសរដ្ឋមន្រ្តី រដ្ឋមន្ត្រីក្រសួងសាធារណៈការដឹកជញ្ជូន តែងតែមានការណែនាំ ដល់មន្រ្តីស្ថានីយ៍ ទាំងអស់ឲ្យមានការ ប្រុងប្រយ័ត្ននិង យកចិត្តទុកដាក់ខ្ពស់ ក្នុងការទប់ស្កាត់ឡានដឹកលើសទម្ងន់កំណត់កំរិតដើម្បី ចៀសវាងការខូចខាតផ្លូវថ្នល់ ក្នុងការកំណែទម្រង់បានលទ្ធផលល្អច្រើន ដោយមានការអនុវត្តតាមច្បាប់បានច្រើន ចុងក្រោយបានទទួល ព័ត៌មានរសើបឡើងវិញ។ ចំពោះមុខក្នុងនាមលោករដ្ឋមន្រ្តីត្រូវតែស្រាវជ្រាវឡើងវិញ ដើម្បីចាត់វិធានការផ្លូវច្បាប់ចំពោះមន្រ្តីណាដែលមានការខិលខូច ។
លោក គង់ វិមាន បានបញ្ជាក់ថា នេះជាវិធានការរឹតបន្តឹង ការអនុវត្តច្បាប់ទាំងអស់គ្នា មិនមែនតែចំពោះមន្រ្តីប្រចាំស្ថានីយ៍ទេ រួមទាំងបងប្អូនដែលមានរថយន្ត និងការដឹកជញ្ជូនសូមឲ្យចូលរួមគោរពច្បាប់ទាំងអស់គ្នាផង បើមិនអញ្ចឹងទេផ្លូវថ្នល់នៅកម្ពុជា ទោះបីផ្លូវធ្វើជាប់ប៉ុណ្ណាក៏មិនអាចទ្រាំទ្រ ដោយការដឹកលើសទម្ងន់ ដោយមិនបានគោរពផ្លូវច្បាប់បានដែរ គឺមិនអាចធានាបានទេ ទាល់តែយើងចូលរួមទាំងអស់គ្នាផង។
សម្រាប់មហាជនបានអំពាវនាវ សូមដល់លោកទេសរដ្ឋមន្រ្តី ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន រួមនិងលោកទេសរដ្ឋមន្រ្តី ប្រធានអង្គភាពប្រឆាំងអំពើពុករលួយ និងក្រសួងពាក់ព័ន្ធមេត្តាមានចំណាត់ការផ្លូវច្បាប់លើ លោក ផន ម៉ៅ ប្រធានស្ថានីយ៍ជញ្ជីងថ្លឹងរថយន្តប្រចាំផ្លូវជាតិលេខ៦ ស្រុកសន្ទុក និងលោក ជូ កុល្លា ប្រធានមន្ទីរសាធារការខេត្តកំពង់ធំ ដែលជាខ្នងបង្អែករបស់លោក ផន ម៉ៅ ផង ដើម្បីព្រមានដល់មន្ត្រីខិលខូចដទៃទៀត៕
