ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
គេហទំព័រ ផែនដីថ្មី ត្រូវការជ្រើសរើសបុគ្គលិកផ្នែកយកព័ត៌មានសរុបចំនួន២០០នាក់ នៅតាមខណ្ឌ ក្រុង និងស្រុក ដោយទទួលបានប្រាក់ខែតាមទំហំការងារ។
បន្ទាយមានជ័យ ៖ ករណីក្មេងស្រីម្នាក់បានស្លាប់គួរឲ្យអាសូរ ដោយសារបាក់រលំបង្កាន់ដៃ នៃអគារមន្ទីរពេទ្យខេត្តមិត្តភាពកម្ពុជា-ជប៉ុន មង្គលបុរី តាំងពីវេលាម៉ោង៦ និង៣០នាទី ព្រឹកថ្ងៃទី១២ខែ សីហាឆ្នាំ២០២០ ប៉ុន្តែរឿងនេះត្រូវបានបែកធ្លាយនៅថ្ងៃទី១៨ ខែសីហា ឆ្នាំ២០២០ ដោយតែមានការបិទបាំងព័ត៌មាន ។
សមត្ថកិច្ចបានបញ្ជាក់ឲ្យដឹងថា ឪពុកម្តាយស្រីរងគ្រោះឈ្មោះ បាន សំរេច អាយុ ២៩ ឆ្នាំ រស់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ បាននិយាយថា នៅថ្ងៃកើតហេតុនោះ គាត់បាននាំកូនស្រីរងគ្រោះ និងកូនប្រុសតូចម្នាក់ទៀត ទៅមើលថែម្តាយមានជំងឺដែលកំពុងសម្រាកព្យាបាលនៅមន្ទីរពេទ្យខេត្តមិត្តភាពកម្ពុជា-ជប៉ុន ស្រុកមង្គលបុរី។
មុនពេលកើតហេតុ គាត់បានចងអង្រឹងទៅនឹងបង្កាន់ជញ្ជាំងថ្មយ៉ខាងមុខអគាររួចអង្គុយយោលជាមួយកូនតូចឈ្មោះ សំរេចសៀវអា អាយុ ១ឆ្នាំ ខណៈកូនស្រីរងគ្រោះឈ្មោះ សៀវអឺ អាយុ ៦ ឆ្នាំ នៅឈរលេងក្បែរចុងអង្រឹង ស្របពេលនោះស្រាប់តែជញ្ជាំងថ្មដែល មានបណ្តោយ១,២ម៉ែត្រ និងទទឹង១ម៉ែត្រ បានបាក់សង្កត់ទៅលើកូនស្រីឈ្មោះសៀវអឺ បណ្តាលឲ្យស្លាប់តែម្តង។
សមត្ថកិច្ចបានឲ្យដឹងថា កន្លងមក ខាងបុគ្គលិកមន្ទីរពេទ្យ បានណែនាំ និងក៏ដូចហាមអ្នកជំងឺ និងអ្នកកំដរអ្នកជំងឺ តោងអង្គុយលេង ឬ ចងអង្រឹងលើបង្កាន់ដៃអគារនោះ។ ព្រោះបារម្ភក្រែងមានគ្រោះថ្នាក់។ ប៉ុន្តែ ទោះយ៉ាងណា គេបានរិះគន់ថា ករណីនេះ អង្គភាពមន្ទីរពេទ្យគួរតែសរសេរស្លាកសញ្ញាគ្រោះថ្នាក់ ឬក៏គួរតែធ្វើការជួសជុលថ្មី ដើម្បីកុំឲ្យមានគ្រោះថ្នាក់បែបនេះតទៅទៀត។
តើករណីនេះ លោកវេជ្ជ ចន្ទ វិឌ្ឍីណាវុឌ្ឍ ប្រធានមន្ទីរពេទ្យ ឬ អ្នកណាជាអ្នកទទួលខុសត្រូវ លើការស្លាប់គួរឲ្យអាសូររបស់កុមារីរងគ្រោះ ? ដូច្នេះសូមអាជ្ញាធរខេត្ត និងតុលាការខេត្តបន្ទាយមានជ័យ មេត្តាពិនិត្យ និងស្រាវជ្រាវផង៕
