📍ការិយាល័យគ្រប់គ្រង(បុគ្គលិកប្រចាំការ) ☎️012 296 494
អង្គភាពយើងខ្ញុំមានមេធាវី០៥រូប សម្រាប់ការពារក្ដីខ្លួន បើលោកអ្នកជួបរឿងអយុត្តិធម៏យើងខ្ញុំជួយណែនាំជូន
បាត់ដំបង ៖ បេីយោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅព្រឹកថ្ងៃចន្ទទី១៥ ខែសីហា ឆ្នាំ២០២២នេះថា៖ លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង សហការជាមួយកម្លាំងជំនាញការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបាត់ដំបង កម្លាំងកងអាវុធហត្ថខេត្ត និងក្រុង មន្ទីរសង្គមកិច្ចខេត្ត រដ្ឋបាលក្រុង រដ្ឋបាលខេត្ត កាលពីរសៀលថ្ងៃទី១៤ ខែសីហាម្សិលមិញនេះ បានធ្វើការចុះប្រមួលជនប្រើប្រាស់នូវសារធាតុញៀន និងជនអនាថាសរុបចំនួន ១៤៦នាក់ ស្រី ៣១នាក់។
របាយការណ៍ដដែលបន្តថា ក្នុងប្រតិបត្តិការនោះកម្លាំងជំនាញបានប្រមូលជនអនាថា រួមមាន៖, អ្នកវិជ្ជមានសារធាតុញៀនសរុបចំនួន ១០០នាក់ ស្រី ២៤នាក់, អ្នកអវិជ្ជមានសារធាតុញៀនសរុបចំនួន ៤៦នាក់ ស្រី ០៧នាក់ ត្រូវបានបញ្ជូនទៅមណ្ឌលស្ថារនីតិសម្បទាពិភពនៃក្តីសង្ឃឹម (កំប្រង់) ស្ថិតនៅស្រុកបវេល ខេត្តបាត់ដំបង សរុបចំនួន ១៣៩ នាក់ ស្រី ២៤នាក់, ស្ត្រីចំនួន ០៧នាក់ (មានផ្ទៃពោះចំនួន ០២នាក់) កុមារចំនួន ០៥នាក់ ស្រី ០២នាក់។
ប្រភពដដែលបន្តថា ក្រោយប្រតិបត្តិការចប់កម្លាំងជំនាញ បានបញ្ជូនពួកគេទាំងអស់ទៅមន្ទីរសង្គមកិច្ចខេត្តបាត់ដំបង (ស្ត្រីមានផ្ទុកសារធាតុញៀន កុមារគ្មានសារធាតុញៀន) ៕
