ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
គេហទំព័រ ផែនដីថ្មី ត្រូវការជ្រើសរើសបុគ្គលិកផ្នែកយកព័ត៌មានសរុបចំនួន២០០នាក់ នៅតាមខណ្ឌ ក្រុង និងស្រុក ដោយទទួលបានប្រាក់ខែតាមទំហំការងារ។
មន្ត្រីការបរទេសកូរ៉េខាងត្បូងមួយរូបបានលើកឡើងដោយមិនមាន ភស្តុតាងច្បាស់លាស់ថា មេដឹកនាំគីម ជុងអ៊ុន សន្លប់ ហើយប្អូនស្រី Kim Yo-jong ត្រៀមឡើងកាន់អំណាចជំនួសវិញ។
សារព័ត៌មាន New york Post បានផ្សាយថា លោក Chang Song-min អតីតជំនួយការអតីតប្រធានាធិបតី Kim Dae-jung បានលើកឡើងថា មេដឹកនាំកូរ៉េខាងជើង លោក គីម ជុងអ៊ុន កំពុងសន្លប់ តែជីវិតមិនទាន់បញ្ចប់នៅឡើយទេ។
ការលើកឡើងរបស់មន្ត្រីកូរ៉េខាងត្បូង បានធ្វើឲ្យមជ្ឈដ្ឋាន លែងទុកចិត្តទៀតហើយដោយសារតែរាល់ពេលលោកគីម ជុងអ៊ុនអវត្តមានតែងតែលេចចេញពាក្យចចាមអារ៉ាមគ្រប់ពេល។
ថ្មីៗ នេះមន្ត្រីកូរ៉េខាងត្បូង លើកឡើងថា លោកគីម ជុងអ៊ុន ធ្លាក់ខ្លួនឈឺធ្ងន់ រហូតដល់វះកាត់បេះដូង។ នៅពេលនោះសូម្បីតែប្រធានាធិបតី អាមេរិក ដូណាល់ ត្រាំ ក៏បានជូនពរលោកគីម ជុងអ៊ុនឲ្យឆាប់ជាដែរ។ តែទីបំផុត លោកគីម ជុងអ៊ុន មិនមានឈឺអ្វីឡើយគឺលោកទៅសម្រាកលម្ហែកាយយ៉ាងរំភើយ។
ក្នុងពេលនេះដែរ ព័ត៌មានថា លោកគីម ជុងអ៊ុនសន្លប់នោះ កើតឡើងក្រោយពេល ដែល មេដឹកនាំ គីម ជុងអ៊ុនរំលែកអំណាចឲ្យប្អូនស្រីរបស់ខ្លួនជួយគ្រប់គ្រងប្រទេសជាតិឲ្យបានល្អ ។
ការប្រកាសរបស់លោកChang Song-min នៅមានការមន្ទិលសង្ស័យ ដោយសារតែព័ត៌មានពាក់ព័ន្ធកូរ៉េខាងជើងពិតជាសម្ងាត់ខ្លាំងណាស់ គឺកម្រមានភាគីណាមួយបានដឹង។ រាល់បញ្ហាទាំងឡាយគឺត្រឹមតែសន្និដ្ឋានស្មានតែប៉ុណ្ណោះ។ ដូចកាលពីខែមេសា គ្រាន់តែលោកគីម ជុងអ៊ុន មិនបង្ហាញខ្លួននៅទីសាធារណៈ៣សប្តាហ៍ មានព័ត៌មានចចាមអារ៉ាមខ្លះថា លោកស្លាប់ ខ្លះទៀតថាវះកាត់បេះដូង តែទីបំផុតខុសទាំងអស់៕
