📍ការិយាល័យគ្រប់គ្រងគេហទំព័រ ផែនដីថ្មី (បុគ្គលិកប្រចាំការ) ☎️012 296 494 អង្គភាពយើងខ្ញុំមានមេធាវី០៥រូប សម្រាប់ការពារក្ដីខ្លួន បើលោកអ្នកជួបរឿងអយុត្តិធម៏យើងខ្ញុំជួយណែនាំជូន
ភ្នំពេញ ៖ បើយោងតាមព្រះរាជក្រឹត្យ ទទួលបាន នៅយប់ថ្ងៃទី៣ ខែធ្នូ ឆ្នាំ២០២២ បានអោយដឹងថា, ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានត្រាស់បង្គាប់តែងតាំង លោក ដាំ សិទ្ធិ ជាទីប្រឹក្សារាជរដ្ឋាភិបាល ឋានៈស្មើរដ្ឋលេខាធិការ។
សូមបញ្ជាក់ថា លោក ដាំ សិទ្ធិ ជាអតីតតំណាងរាស្ត្រអតីតគណបក្សសង្គ្រោះជាតិ។ លោក ដាំ សិទ្ធិ ទើបនឹងចូលរួមជីវភាពនយោបាយជាមួយគណបក្សប្រជាជនកម្ពុជានាពេលថ្មីៗនេះ។
លោក ដាំ សិទ្ធិ ក៏ជាចាងហ្វាងកាសែត មនសិការខ្មែរ ជាច្រើនឆ្នាំ បម្រើអោយគណបក្សប្រឆាំង បច្ចុប្បន្នលោក បានយល់ពី រាជរដ្ឋាភិបាលកម្ពុជា ដឹកនាំ ដោយ សម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា មានការអភិវឌ្ឍន៍ដល់កម្រិតណា។
ព្រះមហាក្សត្រត្រាស់បង្គាប់ , សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ត្រូវទទួលបន្ទុក អនុវត្តព្រះរាជក្រឹត្យនេះ ចាប់ពីថ្ងៃឡាយព្រះហស្តលេខាតទៅ ៕
