ការិយាល័យព័ត៌មាន(បុគ្គលិកប្រចាំការ)ទូរស័ព្ទ 092 464 205
ត្បូងឃ្មុំ៖ខណៈកាសុីណូនៅទូទាំងប្រទេស ត្រូវបានសម្តេចតេជោ ហ៊ុន សែន នាយករដ្ឋមន្ត្រីកម្ពុជា ចេញប្រកាសបញ្ជាឲ្យគ្រប់ផ្អាកដំណើរការបើកលេងល្បែងភ្នាល់ ដើម្បីការពារ ការរីរាលដាលនៃជំងឺcovid-19 ក៏ដោយ ប៉ុន្តែសម្រាប់កាស៊ីណូភូមិយើង ដែលមានទីតាំងនៅភូមិអន្លង់ជ្រៃថ្មី ឃុំកក់ ស្រុកពញ៉ាក្រែក ខេត្តត្បូងឃ្មុំ នៅតែបើលេងភ្នាល់យ៉ាងគគ្រឹកគគ្រេងដោយគ្មានរអែងនឹងបទបញ្ជានេះ បង្កធ្វើឲ្យមានមន្ទិលថា មានអាជ្ញាធរ និងសមត្ថកិច្ចនៅមូលដ្ឋានឃុបឃិត ពុករលួយជួយលាក់បាំង នេះបើតាមសេចក្តីរាយការណ៍ពីពលរដ្ឋដែលរស់នៅក្បែរទីតាំងនោះ។
តាមសេចក្តីរាយការណ៍ឲ្យដឹងថា ក្នុងកាសុីណូភូមិយើង មានបើកល្បែងស៊ីសងគ្រប់ប្រភេទដូចជា បញ្ជល់មាន់ និងអាប៉ោង ដោយបើកលេងក្នុងទ្រង់ទ្រាយយ៉ាងធំសម្បើមរៀងរាល់ថ្ងៃ ហើយក្រុមអ្នកញៀនល្បែងទាំអស់សុទ្ធតែបានស្គាល់ម្ចាស់ទីតាំងយ៉ាងច្បាស់ គឺទី១ ឈ្មោះលោក និត ជាមន្ត្រីកាំកុងត្រូល និងទី២ គឺឈ្មោះលោក ស៊្រុន ដែលសុទ្ធជាបុគ្គលមានលុយ មានអំណាចក្នុងខេត្តត្បូងឃ្មុំ ដែលសូម្បីថ្នាក់ដឹកនាំខេត្ត ក៏មិនហ៊ានប៉ះពាល់ ឬ ហ៊ានបង្ក្រាបទីតាំងល្បែងសុីសង ដែលជ្រកក្រោមស្លាកកាស៊ីណូភូមិយើងនេះដែរ។ ម្ចាស់កាស៊ីណូ មានខ្នងបង្អែកធំ ឬ មួយមានភាគ់ហ៊ុនជាមួយមន្ត្រីមានអំណាចប្រចាំខេត្តនោះទេ។
ជាក់ស្តែង ក្នុងកាលៈទេសៈដែលរាជរដ្ឋាភិបាលកំពុងខ្វាយខ្វល់ រចល់ចិត្ត ចាត់វិធានការនានា បង្កានិងទប់ស្កាត់ការឆ្លងរីករាលដាលនៃវីរុសcovid-19 និងបានចេញប្រកាសឲ្យកាស៊ីណូនៅទូទាំងប្រទេសផ្អាកដំណើរការតាំងពីដើមខែមេសា ឆ្នាំ២០២០នេះក្តី តែសម្រាប់ម្ចាស់កាសុីភូមិយើងគឺមិនយកត្រចៀកស្តាប់ឡើយ ហើយបែរជាផ្គើនបើកឲ្យមានការភ្នាល់ល្បែងគ្រប់ប្រភេទ ពិសេសគឺល្បែងជល់មាន់ ដែលលេងភ្នាល់ក្នុងមូយគូរៗរាប់ពាន់ រាប់មុឺនដុល្លារទៅវិញ។ ការដែលលោក និត និងលោក ស៊្រុន ថ្លើមធំហ៊ានបើកទីតាំងកាសុីណូភូមិយើងលេងល្បែងភ្នាល់ក្នុងកាលៈទេសៈរាជរដ្ឋាភិបាលចេញប្រកាសហាមឃាត់បែបនេះ។
តាមការឲ្យដឹងពីមន្ត្រីអាជ្ញាធរមូលដ្ឋានថ្នាក់ភូមិ ថ្នាក់ស្រុក ក្នុងភូមិអន្លង់ជ្រៃ ឃុំកក់ សុំមិនបញ្ចេញឈ្មោះបានឲ្យដឹងថា ពួកគេគ្មានអំណាចគ្រប់គ្រាន់ និងគ្មានលទ្ធភាពបង្ក្រាបល្បែងស៊ីសងក្នុងទីតាំងដែលជ្រកក្រោមស្លាកកាសុីណូភូមិយើង នេះទេ ដោយសារម្ចាស់ទីតាំងល្បែងមួយនេះនេះមានខ្នងបង្អែកធំ។
ពលរដ្ឋរស់នៅភូមិអន្លង់ជ្រៃថ្មី ឃុំកក់ លើកឡើងថា លោក ជាម ច័ន្ទសោភ័ណ អភិបាលខេត្តត្បូងឃ្មុំ ក៏ដូច លោក បែន រ័ត្ន ស្នងការខេត្ត គួរមានសេចក្តីក្លាហានហ៊ានសម្រេចចិត្តចាត់វិធានការបង្ក្រាបលើទីតាំងល្បែងភ្នាល់កាសុីណូភូមិយើងនេះ ឲ្យស្របតាមប្រកាសរបស់រាជរដ្ឋាភិបាលកម្ពុជា ៕
