📍គេហទំព័រ ផែនដីថ្មី PDT (បុគ្គលិកប្រចាំការ) ☎️012 296 494
កណ្តាល ៖ តាមសេចក្ដីរាយការណ៏ពីប្រជាពលរដ្ឋរស់នៅភូមិចុងកោះ ស្ថិតក្នុងសង្កាត់កោះអន្លង់ចិន-ក្រុងតាខ្មៅ បានខ្សឹបប្រាប់ក្រុមអ្នកកាសែតឱ្យដឹងថា បច្ចុប្បន្ននៅភូមិគាត់ មានសំណង់ដ៏ធំមួយបានសង់រំលោ.ភយកដីទន្លេបាសាក់ ចំនួនរាប់សិបម៉ែត្រយ៉ាងរំភើយ។ ហើយអត់មានអ្នកណាហ៊ានក្អកដាក់ម្ចាស់សំណង់មហិមានេះដែរ។ ចំពោះម្ចាស់សំណង់ ដ៏ធំមហិមានេះ មិនត្រូវគេស្គាល់នោះទេ តែពួកគាត់បានត្រឹមតែដឹងថា សំណង់នេះសង់រំលោ.ភយកដីទន្លេបាសាក់រាប់សិបម៉ែត្រយ៉ាងរំភើយអត់មានអ្នកណាហ៊ានក្អកដាក់តែប៉ុណ្ណោះ។
ពលរដ្ឋបានប្រាប់ឱ្យដឹងតទៀតថា ការដ្ឋានសំណង់រឹងមាំខាងលើនេះ គឺបានសាងសង់រាប់ខែមកហើយ គេពុំដែលឃើញមានក្រុមអាជ្ញាធរពាក់ព័ន្ធណា ចុះមកត្រួតពិនិត្យនោះទេ។ បើពួកគាត់ជារាស្ត្រតូចតាចវិញ ហ៊ានតែសង់អីប្លែកបន្តិច គឺមានក្រុមមន្ត្រីពាក់ព័ន្ធចុះមកត្រួតពិនិត្យ និងសូត្រច្បាប់អោយស្ដាប់យ៉ាងស្ទាត់ជំនាញ ព្រមទាំងដេញឱ្យរុះរើយ៉ាងតក់ក្រហល់។
លោក ឃឹម សំភារ អភិបាលក្រុងតាខ្មៅ ក៏បានប្រាប់អ្នកកាសែតអោយដឹងដែរថា «ពាក់ព័ន្ធសំណង់ធំៗអ៊ីចឹង ម្ចាស់សំណង់គេមិនដែលរត់មកសុំច្បាប់ពីគាត់ទេ គឺគេរត់ទៅសុំខាងខេត្ត» គឺ និយាយកំបុ.តខ្លីមានន័យអស់ទាស់។
ទាក់ទងពាក់ព័ន្ធករណីខាងលើនេះ គេហទំព័រ ផែនដីថ្មី បានព្យាយាមរកអត្តសញ្ញាណម្ចាស់សំណង់នេះពីមន្ត្រីអាជ្ញាធរ ប៉ុន្តែមន្ត្រីក្រុមអាជ្ញាធរមូលដ្ឋានព្យាយាមលាក់បាំង។ ហើយ គេហទំព័រ ផែនដីថ្មី និងបន្តព្យាយាមទំនាក់ទំនងសុំការបំភ្លឺពីអ្នកពាក់ព័ន្ធបន្តនៅពេលក្រោយទៀត។ ព្រោះចង់ដឹងថា តើលោកម្ចាស់ណាអីក៏មានអំណាចម្ល៉េះ សង់លយចូលទន្លេ៕
